BARF/ Raw feeding

[abuanddiego]

^okay lang yan sis makikita ko naman pag napost na. you can use the caret ^ sign pala para di mo na quote buong reply, bawal kasi dito magquote ng buong reply, masasanction ng mods hehe.

gano na kayo katagal sa raw feeding sis? yung bulldog ko 1year straight na sa raw pero nung maliit sya I think 3-4mos din kaming straight sa raw. Yung shih tzu almost 1year na sana pero tinigil ko, pero pag natapos ang rainy season babalik ko ulit. Nakakaawa kasi pag kumakain yung bulldog, naiinggit hehe.

Ano yung sources mo ng raw feeding sis? Ako I don't follow everything lalo kung wala dito yung ingredients. Ang staple ko is chicken, pork, organs like liver, heart, gizzard, lungs, kidneys, pancreas and some fish, ganun lang diet nila.

Pag puppies naman ang alam ko same lang din sa food ng adults, but just like any newbie in raw diet, one type of meat lang muna ibigay hanggang magdjust. sa serving din magiiba, hatiin into 3-4 meals since maliit pa sila. ilang months na puppies mo sis?

[arizonakennel]

Ay oo nga may nagmessage sa akin bawal pala mag-quote hehe. thanks

Hmm.. Siguro 1-1.5years na siguro. Yung older dog on and off sya before e. Ngayon lang talaga nagtuloy tuloy. Ang gusto ko kasi pag raw fed walang sayang, inuubos talaga nila yung food. Unlike pag kibble, papilitan tapos today gusto, tomorrow ayaw na. Nkakabaliw hehe.

Saan ka nga pala bumibili ng raw? Sinusundan ko yung prey model, bale 80% meat so cinocombine ko lang ng beef, pork, and lamb. as in yung slabs of meat. tapos ang bone nila knukuha ko nlng from chicken kasi 1 whole naman knakain nila. tapos from lamb belly din kasi may bones din. ang offal nahirapan ako kasi liver, gizzard, and tripe lang alam ko. saan ka nkakahanap ng lungs, kidney,s pancreas, etc? ahh oo fish pala paminsan din kaso mas mapili yung isa kong golden kasi sa fish.

Buntis palang kasi golden ko, expected delivery date is Oct. 31, Halloween pa hehe. Kaya after nun, todo research nlng ulit. Ah bale natry mo silang bigyan ng raw as early as 3-4 months nung nakuha mo sila?

[abuanddiego]

oo sis eversince nakuha ko sila nagtry na ako ng raw. 4 years ago na ata nung nalaman ko about this diet kasi nagreresearch ako ng right food for dogs. kaso for some reasons pahinto-hinto ako, last year na lang talaga kami nagstart ulit.

yung bulldog ko hindi ako hirap pakainin, actually kahit ano kakainin nun yung shih tzu ang super arte pero sa raw never sya nagskip ng meals, nakakaubos sya ng 250grams in one meal. since magkaiba sila ng size kailangan namin ng all life stages na food para di ako mahirapan. I've tried homecooked, Canidae ALS at itong raw, and so far sa raw yung pinakagusto kong results kasi di sila basta mataba lang, siksik at may muscles talaga. Tapos nalessen ang amoy aso pati poop kaya gusto ko talaga.

Sa groceries and mini market malapit samin ako bumibili. Minsan kasi may bagong slaughter na baboy dito so ayun pinapakyaw ko organs para may stock kami. Minsan nagpupunta kami ng batangas, dun ko balak bumili ng beef para mura. Yung fish, tamban or salinas lagi ko binibigay, gustong gusto ng bulldog ko pero yung shih tzu gusto nya cooked kaya binoboil ko yung iba. Nagbibigay din pala ako sis ng fish oil daily, to balance the omegas. ikaw ba?

Ang nababasa ko sa raw feeding sites, as long as pwede na sa solid food, pwede na sila magraw. chicken is the best to give para maliit lang ang bones then supervise daw to avoid choking. Goodluck sa pregnancy ha, safe sana ang kanyang delivery

[minnie99]

Wow lamb! Relative to other meats, how is the price?

@arizonakennel
how is your golden on raw? kwento ka naman about the improvements she gained from raw. ang nabasa ko pala, puppies you can wean on raw food. may recipe eh, it involves goat milk and other stuff, but I believe mas maraming preparation kailangan cause puppies eat the regurgitated food from their mommies. ibig sabihin medyo digested na siya, so kailangan siguro iblender. I'll try to find that site where may recipes. kapag ganyan na you want them on raw, you have to be strict sa buyers. kailangan kilatisin. for us, we had 9 puppies, it didn't matter na mag-3 months na tapos may 3-5 puppies pa samin. tinatantya ko, paano ba makipag-usap yung buyer? kung masungit sya, di na lang, kasi somehow i feel na baka ganun din siya sa puppy ko. so lalo na na prefer mo mag raw sila, kailangan mas strict. siguro take time to know them, talk to them, and educate them about raw diet.

@abuanddiego
natakot ako bigla (ang haba na nung thread about raw sa PPF, tapos ang layo na rin ng narating ko hahaha) yung may high cholesterol daw sa dog nya tapos pinastop nung vet yung raw... haha nakakatuwa lang din yung pet owners na kahit sabihan na wag mag raw ng vet (sabay prescribe ng commercial dog food), di nila tinitigilan. sana hiyang ang dogs ko sa raw! ang plan ko is to prepare their meals na for the next three days (ambitious yata to dahil dalawa pa silang nasamin), separate na in containers, then freeze. Tama diba, I can give the organs not everyday? Pero diba rich masyado yun, would you advise na small amounts everyday, o few big amounts spread in 3 days?

[abuanddiego]

^sis post mo yung link ng recipe for puppies, wala pa kasi ako nakikita na ganun haha!

alam mo sis yung mga alaga ko nung pinacbc, parehas silang elevated ang sgpt. tapos nung binigyan ng liver supplements hindi gaano nagimprove. sabi ni doc mataas daw kasi yung protein from raw, sabi nya pa magshift daw kami sa low protein pero di ko sinunod Actually yung medication nung isa sa mange ang isa pang iniisip kong cause of the elevated sgpt, hindi ako mapakali so nagresearch ako what causes it. Hanggang sa malaman ko that dogs who are fed raw and meat eaters have higher sgpt levels than dogfood eaters. Even their basis for blood tests, dogfood eaters daw so mawiwindang daw most vets kapag meat-eaters ang tinest

Okay yang naiisip mong 3day meal. kaya mo yan sis, lahat naman ng dog lovers malakas ang drive to keep their dogs healthy. and as long as di ka madiriin sa raw meats, mageenjoy ka sa pagprepare ng meals nila, pati pagscout for meats kaaliw-aliw hehe. Yung organs safe naman to give everyday, nagbibigay ako around 1 tbsp/day minsan mas marami ng onti pag ayaw nila tumigil pag newbies, onti lang talaga like a cube or thin slice lang, malakas kasi makaloose stools ang organs. If ever mangyare, mas ontian mo pa ang serving.

Minsan kasi nasa genes yung mga sakit nila or from the previous diet. Tapos pag may nakitang kakaiba sa mga tests, sa raw agad isisisi since maraming misconceptions about this diet. Madalas kasi misinformed or kulang sa info ang mga tao on raw feeding but kung talagang dinibdib ang research, you will find ways how to solve/cure diseases. Alala ko sabi ng raw advocates, "Raw feeders are those who've done their research well" hindi man tayo vets but some of the information we know, beyond talaga sa tinuro in vet school. Mahirap lang talaga makipag-argue, kaya dogs na lang natin ang gawin nating proof

[arizonakennel]

Oo ang poop ang difference hehe. Hindi mabaho kapag raw.

Hindi ko kasi alam saan mura bumili ng beef kasi sa palengke wala. Kaya pumupunta na lang ako sa MyOwn Meatshop. Meron silang pricelist online para pwede nyo icompare. Frozen lahat display nila kaya mas ok rin. Sa organs naman, ang nabibili ko kasi nkafrozen siya ng marami na kaya pag dinefrost ko, bwal ko ifreezer ulit. Kaya in a week, 2 days ang organs tapos the next day, bone na, like chicken. Para magbalance sa poop hindi sobrang basa.

Ang napansin ko lang sa raw, mas lumalaki ang katawan, tapos yung poop hindi mabaho, inuubos talaga nila yung food. Chka pag raw binigay ko, minsan table food ayaw na rin nila kaya mas ok rin. Tapos minsan pag trip ko lang bumili ng treats sa labas, ayaw na rin nga nila kainin e.. Di ko alam kung puro fake yung ingredients nun hehe. Tinry ko gumawa ng liver treats kaso hindi ko pa nagawa yung freeze dried talaga kasi ang tagal kailangan i-oven.

Oonga e, 1st time pa lang ako magbebenta ng puppies kasi last time bigay lahat hehe. 

@minnie99 ano ang breed ng dogs mo?

Yung lamb na pinili ko is lamb belly kasi yun yung cheapest sa lamb hehe. Same price siya ng ibang beef parts.

May kilala na ba kayong vet na pro-raw? Yung last na pinuntahan ko kasi nung nalaman nyang raw yung reaction nya parang "ahh....... :l" pero wala naman siyang comment na wag ituloy bla bla. 

[minnie99]

^sige sis, hanapin ko later sa bahay or mayang 4 (para petiks na sa work haha). oo nga ganun daw sabi. kumbaga parang di mo pwede icompare kung mahal ba ang burger Mcdo sa Singapore vs. sa Philippines dahil di naman same yung per capita income nung dalawang countries (haha pinagpilitan na analogy??). gusto ko sila istart early talaga para di na madamage organs masyado ng dog food nila. 

[minnie99]

Finally found time to look for those articles on weaning puppies on raw diet:

http://www.rawdogranch.com/rawfeeding/feedingpuppies/weaningtoraw/puppyfirstweekraw.html
http://premiumpetfood.wikidot.com/weaning-puppies-onto-raw
http://www.naturalrearing.com/coda/l_weaning_puppies.html
http://www.esmondrott.com/diet_weaning.htm
http://www.spbr.org/raw/raw.htm
http://www.whole-dog-journal.com/issues/13_11/features/Raw-Dog-Food-Diets-For-Puppies_20126-1.html

I like the first article the best! Here are a few commonalities:
Goat's milk
Ground meat
Honey

In one or two of the articles, sinasabi nya na they feed human-grade oats/grains, ground to make the goat's milk mushy. parang they also feed baby-veggie-food (yung pureed).

Most start at around 4-6 months.

[abuanddiego]

^thanks sis, nagreresearch din ako on how to wean puppies with raw, yung ibang links nabasa ko rin. yung iba nagstart na sa raw as soon as the pups reach their first month, grind nga lang yung meat with milk, veggies and some vitamins/supplements.

eto mga videos:
http://www.youtube.com/watch?v=c4Hx0ae-w30&feature=related
http://www.youtube.com/watch?v=WkoqFwXZwBU&feature=related
older puppies: http://www.youtube.com/watch?v=hfzfI3cEFkk&feature=related

I'm still reading some sites, post ko na lang pag tapos ko na.

here's another great raw feeding site pala: http://leerburg.com/feedingarawdiet.htm

[minnie99]

^Sis, ang cute ng treat totes sa Leerburg. hahahahaha

Slightly OT, but I'm thinking if prepacked raw food business would be a great business here. I attended kasi a mentoring session yesterday about startups and napaisip ako. Of course this is all just fun planning... The thing with prepacked kasi it is ground na diba... :| Of course it'll start as a farm lang (which isn't a problem, my dad's family (dunno who owns the house now as my lolo died last year) has a house in bulacan and my tito used to raise chickens there... very wide ang place!

Hmm. Will research on starting farms in the Philippines. I'm also considering taking up Vet Med (I already inquired, I need a little over 20 units of pre-vet med courses, then I could take the entrance exam). Hay but right now, wala akong resources. I hope when I'm a bit older, I could still pursue my dream of becoming a vet!

[abuanddiego]

^may nakikita ka bang treat bags locally? ako wala eh, may nakita ako sa pet express pero treat holder lang ang mahal pa! maganda sana kung ala belt bag para di hassle lalo during training.

sis san yang mentoring session na yan? about raw feeding ba? parang gusto ko rin umattend! yung nakikita ko abroad na pre-packed raw meats, whole or cut-up parts, may mga organs din na nasa tub tapos frozen. parang iba yung ground na nakikita ko eh, para syang patty or meatloaf style tapos may additional supplements na ata. ganun din ba yung sinasabi mo sis? may nabasa kasi ako na naiiba na ang composition ng meat once nacut or grounded na kaya mas maganda kung big pieces ang ibibigay. ang iniisip ko with prepacked meals sa atin, ala-monterey style tapos may frozen pre-packed din at hard to find organs and recreational bones oh diba exciting! sana magkaron talaga dito ng ganyan tapos may mini restaurant na allowed ang dogs, para may tambayan tayo, ang saya siguro nun!

I'm hoping na matupad ang iyong dreams para dumami ang knowledgeable pet owners and vets (at para magkaron na din kami ng discount) hahahaha!

----
yung shih tzu ko pala sinubukan ko bigyan ng raw chicken ulit last night, inggit na inggit kasi sya pag kumakain yung isa ng raw meat, ayun half breast ang naubos. medyo malambot pa ang poop at nagkaron ng yellow vomit pero I'm positive na masasanay sya ulit within a month. Kanina nung binigyan ko ng Acana, ang onti ng nakain, kahit yung boiled pork and organs ayaw na nya kainin

[arizonakennel]

Yes! Sana may magstart ng ganyan dito!  #1 supporter here! 

In the long run maybe you can sell pork and beef from your farm hehe.

By the way, do you feed your dog veggies??? Or you're following strict prey model, no veggies talaga?

[minnie99]

^^Sis parang wala rin ako makita. Treat holders nga lang, hindi treat bags na yung parang makikita mo sa zoos kapag may animal shows. Yung akin nabili ko sa Pet Express. Ito yung parang silicon diba? 250 ko siya nabili.

Actually for inventors siya, sa UP, sa UP kasi ako nagwwork and we work with inventors so invited kami. Pero medyo general naman yung talk, for those who want a startup business. Parang gusto ko talaga mag start eh. May niche na kasi siya. I have a vague idea of why it would work... but I want sana yung "organic" yung livestock... Siguro pag may pang-capital... Sayang, I have contacts in my previous work, like farms, plastic manufacturers (for packaging). But at least I have an idea of suppliers. It's ambitious but I still want to study this, kahit for leisure lang yung knowledge. (Maybe I can sell the idea to a farm-meatshop business lol)

Hmm what if diba, may required percentage of RMB, offal, muscle meat per week? Then the "competitive advantage" of the proposed meatshop would be, they offer na yung pre-packed (whole/chopped but can be ground) for the whole week with the required percentage done? Parang, you just tell us the desired weight of the dog, and voila! Hahaha. Ang cool diba. Kung hindi man matupad yung proposed business ko na to, eh sana mangyari man lang sa Pilipinas haha. Then the pricing, diba cheaper yung useless parts and mas mahal ang parts na binibili talaga? Well, for the doggy raw dieter, curved ang prices dahil halos lahat ng parts bibilhin! The problem would be just to exclude buyers (for human consumption). Haha

Oh no sinabi ko na ang business plan ko. Lol! But isn't it a great idea? Sigh...

Haha sana nga sis. Siguro kung bumalik ang UP Vet Med College sa Diliman campus, itutuloy ko yung dream na yun. But for now, di ko keri yung Los Banos...

---

Ako excited na mag start. I'm thinking if I should give them raw chicken as snacks na... Just to see how they will like it. Kaso baka hanap-hanapin! Lol

[abuanddiego]

sis arizonakennel, pansin ko rin na di nila masyadong gusto ang ibang food once nagraw. aamuyin munang mabuti bago isubo diba etong mga binata ko, ayaw nila ng commercial treats, para bang napakaforeign sa kanila ng amoy, minsan kahit fruits or veggies sisipatin muna bago isubo. dati nga di ko napansin na spoiled na pala yung food na nabigay ko, naku inisnab talaga may parang hmpf! sound pa. sabi ko bakit ayaw kainin eh gustong gusto nya yun, nung chineck ko ayun panis na pala! nakakatuwa kasi natututo rin sila maginspect kung ano yung magandang food sa hindi, hindi sila basta-basta mapapano hehe.

regarding veggies, di na ako nagbibigay, minsan as treats lang. nagbibigay na kasi ako ng Raffavit (natural ingredients) kaya feeling ko di na nila need ng veggies and fruits. Pansin ko rin kasi lumalambot ang poop nila pag may fruit and veggies kaya stick na lang ako sa meat.

about vets naman, unfortunately wala pa atang vet na pro-raw sa atin, kahit sa US kakaunti ata sila. I follow 2 holistic vets sa fb,
eto sila: http://www.facebook.com/doctor.karen.becker?fref=ts
http://www.facebook.com/drpeterdobias?fref=ts
very helpful ang inputs nila, sa kanila ko nahahanap yung mga questions na di ko mahanap-hanap ang sagot hehe.

sis minnie, yan nga ata yung treat holder na sinasabi ko. sana naman makahanap tayo ng matinong treat bag haha!

yung required percentage, di naman daw kailangan masunod daily, as long as there's variety sa meat and organs, mababalance naman daw yan through time. parang sa tao rin daw, hindi naman natin chinecheck yung food natin every meal time, but as long as may variety, we can still be healthy.

Maganda yung idea with pre-packed meals pero ang isang naiisip kong issue is baka maging dogfood industry sya in the long run, yung tipong sa kanila na lang umasa ang pet owners at mawala na yung sense of research and preparation. Maganda rin kasi kung alam natin by heart ang raw at willing tayo to prepare for our dogs despite our busy schedules.

Ako personally I love shopping for meat products, mapa grocery, palengke, or yung mga nagkakatay ng meat, pinupuntahan ko para makapili ng parts. May times kasi na kahit sa groceries dinidisplay pa rin nila yung lower quality meats (greenish with foul smell) parang nakakainsulto pag ganun kasi the price is still the same with new batches. parang ano yun lokohan? So kung ako ang buyer, mas gusto ko pa rin ako pipili ng meat nila para sure ako sa quality. Sarap kasi mamili sa meat section, para akong nagluluto-lutuan, tapos nakakatawa reaction ng mga tao pag nalalaman nila na para sa mga alaga ko yun haha!

nako sis alam mo yung mga tao samin sabi sakin, bakit di ka magvet tutal mahilig ka sa hayop. naisip ko rin noon na ipursue since I took a pre-med course naman, sabi ko baka kaya ko. kaso di ko feel yung mga vet schools satin, at feeling ko di ko rin kaya magopera ng animals haha kaya wag na lang. If ever matuloy ka update mo kami ha

di ba sila pihikan with food? kung hindi baka di naman hanap-hanapin. yung bulldog ko king of all timawa kahit nakaraw magana kahit sa cooked meat, kahit pag binigyan ko ng kibbles gustong gusto pa rin.

[minnie99]

^hindi naman sila pihikan (minsan lang... kapag iba nag offer sa kanila ng treats or kapag nasa labas ng house... yung parang super di sila sure sa environment... napansin ko to during puppy classes namin where may exercises kami na meeting strangers). Pero ayun gustong gusto nila yung cooked sawdust kahit wala ako maamoy doon.  Itong si Bon eh alam na nasa ref galing yung sawdust, kaya pagbukas ng ref eh makikisilip!!! loko loko talaga. .Hahaha.

sis mag vet na tayo! lol kala mo ang dali eh no. actually gusto ko nga maghanap ng scholarships abroad kaso parang ang hirap for me since business econ ako. lol. pero ayun, di siya mawawala sa dreams ko. i hope one day matupad. if i could go back to 4th year high school, iba ang ilalagay ko na choice course lol!

papalapit na ng papalapit ang day na mag-raw kami. 2 more saturdays of training left, and after that, go na kami

[abuanddiego]

^ganyan din mga alaga ko sis, pag ibang tao nagbibigay parang hesitant sila pero pag sakin bigay na bigay. yung sawdust pag niluluto matindi ang amoy pero yung mismong sawdust wala nga. nakakatawa pag alam nila san ang source ng food parang tazmanian devil pag lumapit ka sa ref haha!

kala ko noon mas madali magvet kesa maging human doctor, pero nung nakausap ko vet namin sabi nya halos lahat daw ng animals pag-aaralan, aso, pusa, manok, baboy, pati kalabaw kaya mahirap daw since iba-iba sila ng structure unlike sa humans since iisa lang naman laman loob natin kaya nung sinabi sakin umayaw nako haha! di bale bata pa naman tayo sis marami pang mangyayare sa buhay natin

ilang mos na pala ang puppies mo? sana magmeet sila ng mga alaga natin hehe. yung shih tzu ko binabalik ko na ulit sa raw kasi laging may natitira sa acana kahit may meat, liver and babad sa broth. kaso pahirapan na naman sa pagdakot ng poop. gustong gusto nya yung mga bony parts, daig nya yung bulldog kasi marunong sya kumain mag-isa kahit may bones. yung bulldog nakaalalay ako kasi nilulunok agad tapos suka ng suka, kahit bigger parts madali sya magsuka.

[minnie99]

^kaka sabi ko lang na di pihikan, ayun kahapon, binigyan ko ng cooked sawdust na onti, tapos pinag dinner ko sila ng kibbles nila, tapos play kami sandali, gamit kong treats eh kibbles, aba si Bon, inaamoy amoy lang yung kibbles! with matching tikim sabay talikod! Ang arte ha! Sinubo ko nga! Ayun, kinain naman. hahahaha. siguro after a while narealize niya na di na talaga siya bibigyan nung sawdust kaya kinain naman na nya yung ibang binigay ko (medyo nag worry kasi ako so triny ko ng triny na bigyan siya para lang sure na kakainin nya). mukhang ganito na kami kapag nag start sa raw, ayaw na ng ibang food! kakatawa kasi si Bon pa naman yung di ka tatantanan pag may food ka...

Oo sis pati kabayo nga eh (actually fave animal ko pa yun hahaha)! nakikita ko kasi yun dati sa UP diliman nung bata ako, may mga kabayo. Sabi pa nga eh mag aalaga ka ng foal at papalakihin mo, dunno how true... siguro pag di natuloy dream ko maging vet, titira na lang ako sa farm lol!!!

mag 4 months sila sa Nov 1. Oo nga gusto ko rin mameet yung iba dito! Sana matuloy ang dog walk/meetup naku oo nga no di ko naisip yung paglinis ng poop kapag basa... haha ginagawa kasi namin sa garden lang sila mag poop, hindi yung sa pads/paper... tapos walis lang... naku pano kaya wawalisin yun 

[abuanddiego]

^yung shih tzu ko ganyan, pag nakatikim ng new meat hirap na pakainin ng mga naunang meat. kahit iwagayway ko sa mukha nya nakatingin lang, minsan aasarin ko, aalisin ko tapos ako kunyare kakain, lalapit sya tapos pag inabot ko ayaw pa rin. pag ayaw talaga, ifoforce ko sa mouth nya pero iluluwa. pero pag narealize nyang masarap dun lang nya ulit kakainin.

uy sis pinangarap ko rin magkaron ng kabayo nung bata ako! di ba nauso horseback riding noon sa tagaytay, tapos nung pauwi na kami sabi ko sa tita ko, "bilan mo ako kabayo, panghatid sakin sa school" wahahaha! kahit nga ngayon gusto pa rin namin magalaga kasi nagkaron kami ng mini farm kaso sabi ng caretaker, mahirap daw alagaan. gusto sana namin sakyan pag nasa bukid kaso baka makawawa kasi for sure pag-aagawan eh ang lalaki namin haha! next week I'm planning to bring my boys tapos try ko rin maghanap ng beef kasi mura dun eh. naghahanap rin ako ng green tripe, sana may makita ko.

Speaking of meetup, pansin nyo ba parang paganda na ng paganda ang panahon, hindi na maulan  sana b4 the year ends matuloy na. Pag makalat ang poop nila mahirap linisin, buti na lang may mga manok yung uncle ko, humihingi ako ng sand saka ko isasaboy sa poop nila pampakapit haha! Hanap ka sis ng litter sand sa groceries or petshops pwede rin yun, dati bumili ako 100 ata sya per kilo. pero kung mas mura ang sand, sand na lang bilin mo since magagamit nyo naman ng matagal.

[arizonakennel]

Sana magkaroon na dito ng playground and swimming pool for dogs  Business idea!

Ang green tripe daw mas ok kasi yun ang natural talaga?

@abuanddiego yung farm nyo may pigs din doon? baka pwede ka maging supplier namin ng pork hehe 

[arizonakennel]

Oh and another good thing pala about raw diet, before dog ko sobrang nangangati as in dry skin tapos sa may neck area nya kasi mahilig siya humiga sa basa, nagkakaroon ng parang allergy, forgot what it's called. Pero now nka-raw na ako, wala na yun and hindi na rin siya gaano nagkakamot. Mas soft na rin hair niya kaya ok talagal. 

Tiyaga lang sa pag prepare ng meals, but enjoy naman kasi kita mo gustong gusto nila yung kinakain nila