Siquijor-Dumaguete (Thread 2)

[beach_n_sunsets]

Sis meimei, Harold's kasi talaga ay for divers. Bali sabit lang ang mga snorkelers lol. So ang mga spots na pagdadalhan eh usually sa malalamin. Pero as long as maganda naman sikat ng araw, ma-eenjoy ninyo pa rin ang snorkeling sa Apo Island. However, do not expect na mega asikaso sa inyo ang crew ng Harold's ha. 'Yung divers talaga ang focus nila and they just let the snorkelers on their own.

May life jacket na provided. Make sure lang na you ask for it doon sa orientation or briefing.

PHP1000/pax ang snorkeling. Inclusive of snorkel, mask, swim fins, life vest, fruits, sandwich for lunch, bottomless coffee, tea and water. Don't expect too much din sa food. Simpleng chicken or tuna lang 'yung sandwich. Limited 'yung fruits. And instant 'yung coffee and tea.

Pero I liked Harold's. Malaki kasi ang bangka nila so we felt safe naman kahit ang lalaki ng alon. Meron pang roof deck if you want to sunbathe if pagod na sa tubig. Gusto ko din 'yung chill lang na atmosphere sa bangka. Hindi masyadong pakialamero yung crew ganyan.

[meimei]

^aaaahhh gets... yeah since for divers, masyado malalim yun for surface snorkelers lang... tsaka nakaka-OP (and mej nakakahiya rin) sa divers. hahaha! i think i'll just go find someone else. thanks!

[gulaysk]

Sana hindi maulan next weekend, may parating pa naman daw na isa pang bagyo. Yun pa naman biyahe namin ng sisters ko. 

Kung sakaling maulan, mukhang hanggang Dumaguete nalang kami. Pero sana talaga magcooperate ang weather para umabot kami ng Siquijor.

If ever, budget travel lang kami sa Siquijor kaya as much as we'd like to stay at Coco Grove, hindi keri. We might stay at Charisma Beach Resort nalang. Walk-in nalang since hindi pa talaga kami sure kung makakabiyahe kami next weekend dahil sa weather.

[rocky]

^kung panget weather sis wag na kayong mag-siquijor. bukod sa brownout don, malamang ma-stranded pa kayo. naranasan namin dati yon

[gulaysk]

Natakot ako sa kwentong standed. Yiikkes!

[a.k.a. HELGA]

^ Me and my friend are also scheduled to do Dumaguete-Siquijor next weekend, July 19-22 to be exact. We are on the same dilemma. Sana gumanda ang weather next week at magtuloy tuloy.
Di ko mafinalize ang iti because of the weather condition. We are booked for 1night with Ate Lorna's End of the World Resort while yun 2nd night namin is sa Coco Grove sana.

Any suggestion for tricycle driver/guide around Siquijor Island? Di kasi nasagot si Joam sa text ko eh.
TIA!

[beach_n_sunsets]

^Sis, try Irvin Bation 09158903286

[rocky]

^^kuya tata, 0935-1927565. hehe medyo hindi talaga magandang pakinggan yang lorna's end of the world

[a.k.a. HELGA]

thank you mga sis! will contact those numbers.

^ sis rocky, may tama ka! LOL

[elreen14]

Hi! I'm making my itinerary for my trip. Question lang since 4:15 PM pa dating ko sa Dumaguete meron pa kayang byahe to Siquijor port around 5-6 PM? Thanks! 

[rocky]

^parang wala na sis. saka malalaki na alon pag hapon, nakakatakot

[a.k.a. HELGA]

Any suggestion for Dumaguete City accommodation mga sis?

[gulaysk]

Just got back last Monday from our Dumaguete-Siquijor trip. Ganda ng weather doon ngayon! Maaraw at wala talagang ulan.

We arrived in Dumaguete Sat morning tapos dumiretso na kami sa port para bumili ng ticket for the 12:50pm Ocean Jet trip. Sa painitan na kami nagbreakfast for our puto/budbud kabog and tsokolate fix.

Sa Siquijor, we were supposed to stay sa Charisma resort pero opted for Coral Cay nalang. We got the beachfront cottage at maganda naman siya, rustic ang appeal. Malumot/maraming seaweed na talaga sa beach this time of the year dahil sa habagat kaya hindi na kami nagswim. Pero nag-enjoy kami sa stargazing dahil napakaclear ng sky nung gabi.

The next day na kami nagstart ng tour pero half day lang ang meron kami. Yung naghatid sa amin na multicab driver from port to resort, siya na rin kinuha namin to take us around. 3 spots lang naman ang gustong puntahan ng mga kapatid ko (Cambugahay falls, Kagusuan beach at Salagdoong beach). On the way to Cambugahay dumaan lang kami sa Balete tree and fish spa at sa Lazi church and convent.

Dahil hindi kami nakapagswim sa resort, looking forward kami na makapagswim sa Kagusuan at hindi naman kami binigo. Ang ganda and we had the beach all to ourselves! Public beach ito pero hindi maraming tao dahil medyo mahirap puntahan. Mga mangigisda lang kasama namin noon. Sabi ng driver lahat daw ng locals nasa Salagdoong dahil nga Sunday/weekend. Pero winner talaga ang Kagusuan. Just make sure to bring water and snacks when you go there. Walang mabibilhan. At kailangan din may tagabantay ng mga gamit dahil may mga nawalan na raw ng gamit doon.

Pricey nga lang talaga ang pagkain sa Siquijor. Nasa San Juan area kami so tourist area din siya kaya wala masyadong option for food. Sa labas ng resort namin, may resto called Dagsa (na dinadagsa pala talaga ng foreigners for dinner) at ok naman ang food pero mahal nga lang. Maganda ang ambiance for lounging pero malangaw nung kumain kami. Sa tabi noon was an eatery. Ok na rin, fairly decent food.

Badtrip lang kami doon sa "cafe" malapit sa Siquijor port, Tu Dia ang name. My gahd ang palpak lang! Bago lang siya pero nakakaloka walang ka-idea idea kung paano magmanage ng cafe. Foreigner yung may-ari. We ordered mango shake na akala namin P40 lang nung siningil kami P70 pala. Kinapos yung order kaya nagdagdag nalang sila ng mango in can at maraming milk para dumami. Kaloka. Total rip-off. Sobrang tagal din magserve ng pagkain, pinacancel nalang namin at ng iba pang customer mga inorder namin.

[gulaysk]

Sa Dumaguete pala we stayed at Bethel Guesthouse. For budget accommodation, ok na ito. Along Rizal Blvd lang siya kaya ideal ang location. Kilala siyang venue/accommodation for conferences. Masarap din ang food sa cafe nila. Laging puno for lunch kasi marami ring locals na kumakain dito. If possible, request lang for a room with a window. Yung amin kasi wala kaya hindi mo matantsa kung anong oras na o kung anong weather sa labas.

We decided not to go to Apo Island na kasi parang tight squeeze na sa sched namin if we go there from Malatapay pa. Hindi rin kasi namin maabutan yung sa Harold's na trip. Yung sa Coco Grove naman last time we inquired wala pa raw sure na trip. Kaya hindi na namin pinush. Ok lang din naman kasi dahil doon we had plenty of time to spend in Dumaguete. Nangarir nalang din kami ng ukay doon. Hehe.

For those going to Dumaguete, don't miss having dinner/drinks sa Hayahay. Enjoy kami sa food at sulit na for the price (lalo na sa lack of choices at pricey food sa Siquijor). At syempre, walang kamatayang silvanas sa Sans Rival. Also don't miss the painitan sa palengke! Favorite ko talaga magbreakfast doon.

[missythel]

been here last weekend - Jul24-26

ive fallen in love with siquijor... as in pagdating pa lang sa port gusto ko ng magtampisaw sa dagat... white sand clear water... very relaxing.. too bad time constraint

ang hirap pag may mga kasamang KJ..  after seeing salagdoong beach... nanghihinayang ang mga kasama kong pabebe haha na sana nag stay kami... (at the back of my mind, eh kayo lang ayaw nyo pa magstay, ayaw nyong maniwala sa mga reviews etc.)


wish I could go back here someday ..

[rocky]

^agree, super ganda port pa lang lalo na pag lowtide. kitang kita mo yong white sand

Any suggestion for Dumaguete City accommodation mga sis?

ang na-try ko na hotel nicanor, go hotel & hotel essencia. sa tatlo, yong hotel nicanor may magandang location kasi halos katabi lang ng sansrival. tapos lakad2x lang din sa ibang tourist spot. pero pagdating sa room, maganda ang hotel essencia

[elreen14]

 Arrived in Dumaguete yesterday. Mas mura nga kung sa labas ng airport ka mag iintay ng easytrike or multicab lalo na kung wala ka naman masyadong dala! Just spent 8 pesos lang.  will be going to Siquijor later and sa Lorna's ako magstay. 

[mindiegirl]

^we stayed at Lorna's End of the World also. Hehe. What a cool name. Bait nina ate Lorna. kaso nagbabaha sa cr nila. :p

[bebeloo]

mga sisses, pwede bang bumili ng ferry tickets sa port like 3 days in advance? saka pwede bang bumili ng tickets pabalik ng dumaguete sa dumaguete? gusto ko sana pagpunta ko ng port sa 1st day namin, bumili na kami ng tickets namin na nakasched for our 3rd day pati yung pabalik na din.. thanks!

[rocky]

^di ko sure sis kung pwede, ako kasi laging next day yong sched kelan punta mo? balik kami ni hubby don sa december