Kapampangan GT Branch #19 Tana! :)

[j27]

^buri ku talaga solo ke itang negosyo ko. kasakit atin pa kasosyong aliwa. pag mika problema kayu o makananu. haha.

kukwentu na kaku, atin murin kanu mig order kaya keng abu dhabi. itang giant cupcake kalupa kang jay (pero ready mix lang daw ginamit niya na cake) tsaka 2dozen cupcakes, dh350 kanu ngan ing pepabayad na. 

kaybat kitnangan na ku magkanu la retang themed cupcakes ku. sabi ko Dh60/dozen. "ahh", ana namu. hehe.

lupang magstay nanaman kami kanyan next week karin. 5days e, magparinig na i f i l. 

[Happy Mom]

^maki sosyu ya keka kasi balu na dakal mag order keka hahahaha . kabud naka maki sosyu kung agyu mu naman dili mu diba?

aru! mipa dalas nako namanAUH hehe.. ikami tabalu nung malaus kami ferrari world neng 15 kanini.

[j27]

^haha. wa pin. tsaka sabi na siguru, masipag ku keng makanyan, matyaga, kaya magandang kasosyo. haha. ayasahan na ku.

oneng autus me wari ing katwangan mu? siyempre ali, lunto ya mung boss kanita neh. kasakit. haha!

ay wa, ngeni pa mag book nalang schedule mi. ken kami kanung AUH magbakasyun. hehe.

[Happy Mom]

^atin na kami memo. 14 to 16 ya 
ing amu kung matwa, tin ku a received email ibat king anak na. ticket de papunta oman. manibat 13 mako ne. lungub ne mu 20. meg ala government ya ing busit a matwa sabage masanting alayu para tahimik kami. lagi lamu mi kokontra nining anak a manager. parehu la aksi matamad

ali me atalaga a utus i monster pag meki sosyu ka hehe. mangunsumi ka king sarili mung business. mag business ne sanang dili na

[j27]

^dening anak ing maswelu. bukas ing last day da keng klasi, lungub la oct20 na. haha. mipaynawa ing washing machine at plantsa kanini. haha.

mag tinola kami kanu. haha. ninu kayang maglutu, ya o ako? haha.

nandin abak pepamwatan naku pang dakal a maleta, atin ya kanung pantunan. sinunga ku, haha! kaybat ngeni magpashoot yang sinulid keng karayum. maglambing ya ini neh? haha. 

[Happy Mom]

^awa pala atyu la ken ne
balamu gov't la naman deng king school. nung holiday da, makasabe la rin.
dagul na katawan monster ot ika rugu pepamwatan na. o agyu nong agyu deta eh

[j27]

^pota mipatanan ya kanu. 

pero istung war kami, keber nung mengabagsak ne kaya detang aabutan na. ali na ku awsan dyang atsu ku pa. kaya dyang bisa ku rin sumaup, ali ku lalapit kaya. haha. pota sagapan na ku pa. hahaha.

[Happy Mom]

^susme! dagul na katawan isipan na ing mipatanan ya, ika ali na inisip makananu nung ika ing mipatanan o kalti mu rugu katawan

[j27]

^buren ta ne. maglambing ya rugu. hahaha!
amiss naku siguru,  ana siguru, "kanyaman mu bili keni neh, pasakitan daka pamo." haha.

naaalala niyo ba yung sustagen? haha! dati diba sasabyan na kanaku, mas masanting ing sustagen ana kanung kaluguran de doctor, pamilit ne pa ali.

kaybat pemilit ku rin na sabi ng pedia, pediasure na ang pinakamagandang gatas para kay jade.

o ngeni mu, atin siguru sinabi kaya na masanting pin ing pediasure. mibaligtad.

tuwing akakit ne dododo i jade, sabyan na mo, "ali ye patuknangan keng dodo na, masustansiya ya yan. pediasure yan!"

hahaha! maybug kung mayli kang amnesia girl. 

[Happy Mom]

^eni ku pa mekadalo kening parlor

nukarin na kayu atyu kanyan? ala nala klasi deng estudyanti mu ne. ikami bukas pamu. metula naku man keng "pasakitan daka pamo" o ikit na maligya ka king pangawala na ken, nya megparamdam ya pasibayu. feelng ghost ya mu ne! 

[j27]

^hahaha!

yung mga pupunta ng auh, nagsipagtrabaho. kaya ayan! purnada nanaman yung meet-up natin. pero nagtatry pa din ako mag aya sa mirdiff mamaya. hehe.

[Happy Mom]

jengwa, condolence. isipan mu na mu ali ne magkaskait i lola, abe na ne i Lord. mag 95 ne pala ne. bisa ne rin siguru paynawa. atyu pa rin naman kanyan para baneten na kayu

ging, ka cute da reng video na seya. makatula ya magsalita

joyce, ay! grabi, kapagal mi king pamag ferrari mi. angga eni masakit ku balakang keng lakad. napun kalahating aldo ku matudtud. e ku sane, nyang magising ku, naku bayat katawan. dening adwa, i jessie ampo i fle, mebating la pa rin. pelinis de saken ng fle kebat meg mall no naman. ela mapapagal.
ditak ku mebulang king pamanyake mi roller coster ferrari world. 1 minute ya mu balaku ene mayari. kebat buri na pa hubby sake kami ketang matas. ah buri mu ku talaga misaguli bie aku kaya nyang pauli dinalan kami pa karama. mengan kami keta pinoy resto kebat seli mila gift dening pamangkin mi mag bday.
eni back to work na. pero halus ala man saken king dalan. dakal la pa kasi deng alang lub.

[j27]

Condolence, Jeng.

kalambat ku e mekasilip keni. busy keng bakasyun. ayni, muli nakami kanyan pota. mag empake na kami. haha.

mommy,
o nanung first impression mu kaya? hahaha. 

[Happy Mom]

^nung eme kilala maka fake ya balamu mo ne ganaka ne? pero akit mu talaga pagka kontrabida na. pisasabyan mi pin fle, ene tiknangan kitnan i bujade nung kaninu ya tuki anggang e tinuki kaya. akakit mi bisa ya malakwan keka i bujade oneng ulit ulit ing kutang. mepilitan ya rugu ing anak tuki kaya
i daddy na kanu jay kalupa ne. balu tana makananu ya i kong jay ana fle pag metwa ne 

kapilan ko minta ken AUH?

[j27]

^ako nga na-fake din e. hehe. pero deng oldies kekami, balu da na agad ing ugali na. kinutuban daw sila bigla e nung namanhikan samin. 

ay wa, carbon copy ni jay si f i l. hehe.

tuesday kami nagpunta auh. kakauwi lang namin kahapon. mekapag mall naman kami. hehe.

[Happy Mom]

^melakwan nala AUH kanyan? tahimik naka naman bie eni? 

syempre deng oldies malakas la pakiramdam. balu de agad kartada ing kaharap da hehe. maski pa sweet sweet effect ya, balamu mu atin maka salikut hehe...

hay! november 5 ing tutuki holiday

[j27]

^atsu la pa mu rin keni. mag empake la, mamako la keng friday munta states. i f i l 2weeks yamu kanu. i mil 1month, malambatlambat ya ing bakasyun na. haha.

kaybat kauli na keni, dec7 muli ya kanu pinas. mga bandang feb ne siguru magbalik ita, bayu birthday da rening adwa.

magbalik kami auh oct31, mikyabe ya kasi i bujade keng trick or treat. 6pm magstart so baka mag halfday si jing sa school para hindi kami ma-late. thursday ya kasi ita.

nanung atin keng nov5? balaku sa dec2 ne itang tutuki holiday.

[Happy Mom]

AH! kalambat mu pala tahimik bie kanyan hehe...

islamic new year neng nov. 5. nukarin ya mikyabe trick or treat i bujade? nanu costume na kanyan?

[j27]

tuesday ya pala ing nov5 neh.

trick or treat ketang building da ri sil. hehe. my little pony ya costume. siya daw si princess twilight sparkle jade! kalupa na nitang doll ng bayu, itang violet.

o ngeni mig change mind ya, buri na kanu itang pink, si Pinkie pie jade. haha.

mag torta ku pota. bukas or thursday siguro mag menudo ku.

[Happy Mom]

^bayu miras kanyan ing trick or treat magi neng hello kitty i bujade

megumpisa napun mag diet na ku sana (for the nth time ) lunch megbakal naku mu tinape ampo cucumber ampo carrots. no rice dapat. kebat bengi, mag toast na ku sanang tinape na naman. oneng i hubby sabi na magluto ya kanung mutton. o sige aku, bakalan mi na mu bukas. kebat megabyu ne naman isip, magluto naku kanu arroz caldo. oyta mekapangan naku naman rugu. mesobra pamo ing malagkit ku, melangi ing mayap a arroz caldo, pero carry pa rin. mekarakal naku naman hay diet ali ku ata talaga agyu oneng kailangan, na naman katas bp ku

wa tuesday ya nov. 5. kesa king alang holiday