Coron [Thread 8]

[jillnotchill]

patulong naman, possible din kaya ito
ETA @ busuanga : July 4, 12:15 NN
ETD @ Busuanga : July 6, 3:05 PM

ito kasi naiisip ko na itinerary (patterned day1-2 w/ sis riandrew ITI)
day 1 - to malcapuya & banana island, overnight at banana island
day 2 - coron loop tour
day 3 - possible pa bang gawin ang calauit safari? if 3:05PM ang departure time namin?

hi sis, kaya naman yang 3 days 2 nights niyo. been to coron twice na. halos ganyan din ang dating at alis namin.  pero malabo na yung makapag calauit kayo malayo na kasi masyado yun kulang sa oras.. ganito ang naging itinerary namin.
 
day 1: kung 12:15pm ang dating niyo. makakarating kayo sa coron proper ng mga 1pm. sabihin na natin mag lulunch pa kayo so mga 2pm na kayo makaalis. dadating kayo ng malcapuya ng mga hapon na 4-4:30pm malabo na kayo magbanana island nun.

days 2: island hopping buong maghapon at sa gabi pwede kayo mag maquinit hotspring.

days 3: akyat kayo mt. tapyas abangan niyo yung sunrise. tapos libot niyo yung buong proper. bili narin kayo souvenirs. after lunch punta na kayo airport.

meron ako friend na taga dun her name is cenla or si rodney. meron silang souvernir shop tawag kweba arts and crafts meron din bar sila sa baba nun malapit sila sa La Serenita. Nagooffer sila ng package na kaya sa budget niyo. just call them 09274768434.. HTH! enjoy!

[iyatedi]

patulong naman, possible din kaya ito
ETA @ busuanga : July 4, 12:15 NN
ETD @ Busuanga : July 6, 3:05 PM

ito kasi naiisip ko na itinerary (patterned day1-2 w/ sis riandrew ITI)
day 1 - to malcapuya & banana island, overnight at banana island
day 2 - coron loop tour
day 3 - possible pa bang gawin ang calauit safari? if 3:05PM ang departure time namin?

sis, hindi doable ang calauit safari on your last day unless, gawin nyo sya on day 2 kasi malayo yan. Usually ang pumupunta dyan 3am ng madaling araw umaalis sa coron town proper, I think 4 hours by boat sya.

share ko IT namin nung January 24-26, 3 days & 2 nights kami.
day 1
9am -arrival in Busuanga airport
10am- arrival in Coron town proper, check-in sa Villa Hermosa, tapos diretso palengke para mamili ng lunch na lulutuin ng bangkero
10:30 - Coron Loop Tour (Siete Pecados, Kayangan Lake, Twin Lagoon, Banol Beach(lunch),Skeleton wreck)
4:00 - head back to town proper, diretso sa inn para magpalit at maligo
5:00 -  start trek sa Mt. Tapyas, mega bilis naming inakyat to para maabutan ang sunset
5:30 - nasa tuktok na kami, enjoyed the scenery at mega pictorial kami.
6:00 - head to Maquinit Hot spring

day 2  Banana- Malcapuya tour
8am nasa port na kami, pero nadelay pa kami ng 1 hour kasi hinintay pa namin yung snorkeling set. Nasa Banana Island na kami ng 10:30am, tapos lumipat kami after lunch sa Malcapuya. Till 3 pm kami dito. Sa gabi namili na kami ng pasalubong kasi wala ng time sa umaga. 9am flight namin pabalik the following day.

We availed the service of kuya elmer kasi sya lang yung nagreply sa mga text ko.
We were 6 adults and 1 5 yo child. Libre sa lahat ng entrance yung anak ko.

EXPENSES:

Airport transfer - P130/head

lodging:
Villa Hermosa - A/C rooms nila is 1,000/night, 2 pax, meron ding 1,200. Yung A/C room is good for 6 pax plus P350/extra person. Fan rooms at P700/night for 2 pax, plus 250/additional head. Good for 4 pax. With free breakfast.

boat rental:
Coron loop - P1,500
Banana-Malcapuya - P3,000. I know sa iba is 3,500. Medyo hindi kasi mabilis yung amin pero okay lang, hindi naman kami nagmamadali. Papunta, andaming nagovertake sa amin pero in fairness, nauna kami nakadaong pauwi kasi nagshortcut kami.

entrance fees:
Coron loop: lahat P100 except Kayangan which is P200.
Banana-Malcapuya- P200 each island. Additional P100 for a table in Malcapuya pero kung okay lang kayo sa mga puno, waive na ang P100.
Maquinit Hot Spring - P150, children 5yo and below are free, 5 yo & above is P75.

snorkeling set: P100/day.
Nakawala kami ng snorkeling tube sa Kayangan kaya nagbayad kami ng P450. Kaya lesson learned magingat sa mga gamit.

tricycle fare to Maquinit : P300

food:
lunch sa island, gumastos lang kami ng 900 good for 6 pax kasama na mga bangkero
dinner: Lolo Nonoy's - P1000 din lang ang inabot naming bill

souvenir: wala masyadong nagbebenta dito. We got ours sa Coron souvenir shop pero ang mahal. Mas mura pa yung nakita namin sa gilid sa labas ng airport. But we bought danggit sa palengke.

SOME NOTES:
*if you are a beach lover, magtagal ka sa Malcapuya mas wide yung shoreline nila at mas pino ang buhangin. Child friendly dito kasi malayo ka na, mababaw pa rin. But if you are a snorkeling enthusiast like me, Banana Island is for you. Mas madaming isda rito kahit nasa pampang ka lang at mas diversified and fishes. My malalaking angel fish dito. Mabato ang shoreline dito. Mas mahangin dito compared sa Malcapuya.
* Be careful with your rented snorkeling sets.
*It is a must to have under water cameras.

I hope this helps! Enjoy your vacation guys.

[eeatrice]

thanks sa mga input sis, we plan kasi sana na day3 iyong calauit by land, alis ng 3am i thought pwede kami umabot sa flight namin pabalik ng manila since 3:05PM pa naman siya...

anyway, meron ba kayo contact ng for car/van rental para makapaginquire din ako ng rates

sis iyatedi, i sent you a PM for the contact number of your island hopping

[luscious_peach]

2 weeks to go before our Coron trip! Wala pa kong underwater camera huhuhu

[voguish]

sino po sa inyo ang punta sa coron sa Mar 22-26?? punta kasi kame dun ni hubby.. much better daw to travel/tour by groups..kaya sana mkikisabay sana kame sa inyo hihi

[shegothim]

try mo sa DIYCoron ni owen ferrer baka may group tour sya.

malapit na ang coron tour namin next month na excited na akong makita ulit ang coron. alam ko masaya din kasi get-together tour iyon ng mga DIYers. si owen din magoorganize ng tour. sana ok ang weather pagpunta namin.

[sweet_vanilla]

sis shegothim, anong sked nyo next month? magka-calauit tour ba kayo? balak kasi namin ng hubby ko na mag calauit tour by boat. worried lang ako kung gano ka-safe yun since i've read na mga 3hr-boat ride yata yun. sana di maalon pagpunta namin.

[shegothim]

march 1-5 kami. di ko pa sure kung magcacalauit tour kami ng mga kasama ko. mas gusto ko sana ito kesa sa club paradise day tour kasi mas mura ang calauit tour.

[sweet_vanilla]

^thanks sa reply. mauuna pala kayo. 2nd wk pa kami. have fun! 

[bebeloo]

Just got back from Coron. Pinakafave ko sa lahat is yung Malcapuya. Super fine ang sand nya. Sa snorkeling naman, mas malalaki ang fish sa siete pecados. pero natuwa ako sa Bulog Dos at Malcapuya kasi ang daming isda kahit sa mababaw pa lang. Maulap nung nagisland hopping kami, kaya hindi maganda sa pictures ang beaches, hindi blue yung color. pero okay na rin, at least namula lang kami and hindi nasunog sa araw. sobrang alon papuntang banana island, nakakatakot.

snorkeling set: P100/day.
Nakawala kami ng snorkeling tube sa Kayangan kaya nagbayad kami ng P450. Kaya lesson learned magingat sa mga gamit.

Muntik na rin mawala yung glasses part naman ng snorkle ng BF ko sa banana island. Buti na lang nakita ng barkada namin lumulutang sa dagat, which is impossible dahil iniwan namin yun sa table na sobrang layo naman sa beach area.


[editing: ang harsh ko daw masyado sabi ni bf]

[talkinme]

Haay !!! Sa 4/4-4/7 ang punta nmin Coron 12-14pax pero parang gusto ko na magback out sa laki na magagastos airfare pa lang 5k each na, but may nakuha bro. ko na house @14k dw... sis tips naman dyn...Tia

[bebeloo]

total expenses ko sa coron namin nasa mga 7k, kasama na airfare at pasalubong and all. 4d3n, 7 pax kami.

We stayed at islands view inn. Okay yung hotel, friendly ang staff, laging gngreet ang guests. Fave ko yung nagseserve ng breakfast. Mark ata ang name niya. Para kasi siyang mabait na mahiyain. Okay ang breakfast. Bago lahat ng gamit. Maganda pa siya ngayon. Good pick ito for me.

Nagrent kami sa kanila ng bath towel for 20/day. Bawal kasi ilabas yung complimentary bath towels nila.

[Cheesecak3]

We will be going to Coron next month for 10,465/pax

4D/3N Town Tour and Coron Island with Overnight Stay at Banana Island.

Kasama na dyan ang accommodation and tours.

[bleudskymd]

Help fellow sisses!

BF & I plan to go there after holy week. My contact numbers po ba kayo ng Villa Hermosa, or other cheaper hotels? Thanks in advance!

[bebeloo]

May bagong hotel na ginagawa sa Coron. GMG hotel ata yun if i am not mistaken. Mukha siyang maganda.

[bebeloo]

COMPLETE TRIP REPORT

jan 31

-airport: kelangan palang mag body weight after check-in
-para sa gustong magsunog ng oras, sa pancake house kayo kumain. 45 mins bago maluto ang pancakes
-paid P200 each terminal fee
-arrived at busuanga airport, earlier than expected
-found our service outside the airport
-check-in at islands view inn (no electricity, naabutan kami ng 6am-6pm shortage)
-ate at bistro coron, okay lang lakarin para sa masipag maglakad pero mainit kasi nito kaya nagtrike kami (P10/each) - masarap ang carbonara (P180) and bistro pizza. yung margherita pizza din (P299 medium) may sunny side up egg on top. kakatuwa kasi okay naman yung lasa nung ginawa nila.
-went to everly's (malayo pala ito, need itrike). bought magnet at P35. may nagustuhan akong shirt (P165) kaso hindi ko binili dahil kuripot ako hehe. my bf bought one for his brother at P190
-went to coron harvest (pati ito trinike pa namin). 1/4 cost P175 1/2 P350 for both roasted and dried cashew nuts. My binili akong sugar-coated cashew nuts at P70/plastic. Kung gusto nyo ng cashew brittle, inform nyo sila agad kasi made to order ata yun. Mabait yung may-ari (I suppose) ng coron harvest. Lahat ng klase ng cashews nila pinafree taste niya sa amin (3 normal plastics), tapos binigyan pa niya kami ng tig 2 small plastics ng free taste ng cashews hehe
- went to lambingan bridge - lahat kami nagtataka kung bakit naging tourist attraction ito
- went to lualhati park - sobrang init nung nagpunta kami dito
- went back to islands view inn to prepare for sunset viewing at mt. tapyas, ate ice cream sa tapat ng tita esh eatery, yung naka cart lang (P10)
- went to mt. tapyas. GRABE KAPAGOD!!! Kahit yung aso na kasabay namin, sobrang hingal na hingal na. may nakasabay pa kaming foreigner na may asawang pinay. sabi niya never na daw siyang makikinig sa asawa niya. hahaha pero ang ganda ng view sa taas, sobra. feeling ko nasa batanes na ko. hehe madilim na nung bumaba kami, halos wala na kaming makita.
-dinner at lolo nonoy's food station. calamares P125 sisig P125 BBQ P25/stick plain rice P15 garlic rice P25 masarap lahat. malambot yung calamares, hindi mahirap kainin.
- staff ng islands view inn got our preferred meal for breakfast
-nagpa room massage pala ang mga friends ko for P350. talagang tinatanggal yung lamig nila sa katawan.


feb 1

- breakfast at islands view inn (7AM-9AM serving time pero sinerve nila samen ng quarter to 7). okay naman ang breakfast. unlimited ang juice/coffee/tea.
- went to market. bought liempo (puro taba yung binigay sa amin, hindi namin napansin), bangus, and tilapia for ulam (masarap yung mga isda) rice, water, calamansi, tomatoes, soy sauce, charcoal, plates, paper cups, mangoes, banana, watermelon (not sweet) = 7 pax kami, nasa P250 each ang contribution dito
-coron loop tour: banol beach (P100) - may araw nung nagpunta kami dito kaya ang ganda ng color ng tubig; ang daming sea urchins dito, skeleton wreck (P100) - natuwa ako dito kahit hindi naman ako nakalapit sa mismong ship kasi sobrang lalim na, twin lagoon (P100) - init-lamig ang tubig dahil naghahalo daw ang tubig ng lake at ng sea, kayangan lake (P200) - nakipaglaro pa ng basketball ang guy friends ko sa mga Kayangan Lakers hehe, siete pecados (P100) - Tinamad na magsnorkle mga kasama ko sa siete pecados, pero dito ko nakita yung mas malalaking isda, singlaki ng mga kinakain na natin
-dinner at lolo nonoy's ulit dahil hindi nila natypan yung buffet sa centro coron bed and breakfast. hindi nila kasi inooffer yung iba sa menu nila. yung buffet lang daw (P199 each). I tried grilled chicken sa lolo nonoy's (P95). okay naman. nanlibre friend ko ng mango shake P70. masarap naman.
- nag night life pa saglit ang mga guy friends ko habang tulog na kami ng friend kong girl sa WJA something, yung open ng 24 hours. katakot daw yung mga lasing doon parang anytime mangaaway. hehe

feb 2

- breakfast c/o islands view
- market: bought chicken, beef and veggies for nilaga, hotdog, chichirya, and tinapay for merienda (P235 each kami dito)
- bulog dos (P100)/banana (P200)/malcapuya (P200) tour: sobrang alon nung papunta kami dito. nakakatakot na nga siya eh. ang lalaki ng waves. sobrang laki ng higop ng tubig bago maging alon. bulog dos: kakatuwa lang dito kasi sa mababaw may seaweeds na tapos andun yung mga malalaking isda. banana island: nagvolleyball kami dito. free lang ang ball. pwedeng manghiram. sarap matulog sa hammock nila. sayang limited time lang kami. muntik ng mawala ang mask ni BF. buti nakita ng friend ko kundi bayad kami ng 1k. malcapuya: my fave beach. fine sand. nakakita kami ng starfish at clownfish. di namin makita yung sinasabi nilang clam. ang alon kasi, nakakatakot. saka medyo nahihilo na ko kakasnorkle. nagkayak din kami dito hehe
- buti nung pabalik na kami sa town, hindi na ganon kaalon.
- before heading back to islands view, nagorder na kami sa binalot tong daon for our dinner (P80 each) kinain namin siya sa maquinit hotspring (entrance P150 trike P300 back and forth) saktong 8PM kami dumating kaya naadmit pa kami. stayed there 1.5 hours lang kasi medyo nakakatakot yung daan, eh madilim pa naman. may mga signage silang "beware of thieves" pero tingin ko ang thieves dun eh yung mga aso kasi bigla na lang silang kumukuha ng mga plastic. hehe

feb 3

- breakfast c/o islands view inn (fave breakfast ko sa kanila is yung tocilog and longsilog, masarap yung timpla ng orange nila hindi matabang)
- ate lunch at tita esh eatery. wala na daw yung palabok nung kumain kami. pero masarap yung canton (P65) nila ha. malaki ang serving and mahilig kasi ako sa saucy na pancit
- bought Coron shirt (P130) sa malapit lang na tindahan
- waited for shuttle, dumating mag 12 NN na then ang dami pang dinaanan sa ibang hotels.
- paid P20 each terminal fee delayed flight naming ng 1.5 hours. ooh yes.

Natuwa ako sa coron harvest kasi mabait yung may ari. okay din yung islands view inn. super hands on ang family sa business nila, ang bait pa ng anak nila na si sofia (9-11 years old), tumutulong sa mga staffs maglinis and magwalis.

tips: magdala kayo ng waterproof bag. sobrang mababasa kasi yun lalo na pagpapunta sa banana island. dala rin kayo ng waterproof cam or magrent kung wala. laki ng mamimiss niyo pag wala kayo nito. majority ng pics namin andito kesa sa SLR na dala namin.

Thank you very much sa lahat ng contributors! 8 months ko ding binantayan ang thread na ito.

[huit]

^

hehehhe... sis, natawa naman ako dito sa sinabi mo

"beware of thieves" pero tingin ko ang thieves dun eh yung mga aso kasi bigla na lang silang kumukuha ng mga plastic. hehe"

[bebeloo]

^ uu sis, nangunguha sila ng mga gamit na nakalagay sa gilid nung pool. foreigners pa nga yung nabiktima nung andun kami. sinisita na siya, pero tuloy2x pa rin sa pagkuha nung plastic. hehe

[luscious_peach]

^ Sis san mura at OK bumili ng pasalubong aside from Coron harvest para sa cashew nuts. San makakabili ng ref magnets and T-shirts?

[michi247]

binasa ko trip report ni sis bebeloo marami na pala gastos ngayon sa coron parang lahat may bayad, 6yrs ago pa kasi last na punta ko sa coron and sa maquinit hot spring, barracuda lake and banol beach lang kami nagbayad, P20 lang yata bayad namin. mahal lang airfare namin, almost 7k din. seair and asian spirit pa lang kasi nun ang may biyahe.

pati ba kids, same rate ang entrance fee sa banana and malcapuya?