How did you overcome fear of driving?

[Myealexis21]

Last month I got my driving license finally!!
But takot pa rin ako magdrive kaya what I did is to buy a 2nd hand car on installment basis para ma force ako magdrive hehe.

I'm still takot, as in I dreaded the time every morning na papasok ako sa work saka every afternoon na pauwi ako.  Tapos I don't drive to places na di ko pa kabisado.  And I limit myself to drive around 80-90kph sa freeway, and stick to the rightmost lane.  Eto ang routine ko everyday and it will be like this until mawala na talaga yung kaba ko.

[ReservoirDogs]

Student's license pa rin ako (6 months na, hehe), but for the past month, our driver has been teaching me how to drive.  Thrice a week ako nag-aaral mag-drive sa Elliptical Road (OMG, yun lang), Commonwealth, EDSA, Roxas Blvd, Q. Ave, at mga Scout areas along Quezon City.  Medyo alam ko na rin makipag-gitgitan and kahit papaano di na ako ganoon kabado.

Ang ultimate test siguro last Sunday when my fiance was the passenger. Sobrang backseat driver (kainis) but we were able to get to our destination and back to our place safely.  Actually I posted way back on this thread na unang attempt ko to drive my car, nakabangga agad ako ng jeep.  Ang kasama ko rin nun si fiance, lol. But buti na lang, maayos na this time. Hehe.

Practice lang talaga ang katapat ng takot.  Mahina ako sa pagleft and right turn, or I couldn't pass through narrow streets, lalo na pag may naka-double park.  Pero unti-unti, natantsa ko na rin ang width ng car ko. Siguro para di rin kayo kabahan, sobrang alalay kayo sa break.    Marami kasing mga @gag na biglang tatawid sa kalye, or mga @gags na bus drivers or jeepneys na kala mo hari ng daan.

[slovy]

Sana maovercome ko rin yung fears ko on driving. Kinakabahan ako ng sobra.. pano kasi my inlaws were planning to get suv na talaga, mukhang tuloy na tuloy na talaga to. nakipagdeal na nga yata. tas ang taas ng expectations nila sa akin, hindi kasi nagdadrive si hubby. isa ring takot.. may phobia kasi nung bata pa daw sya nabangga sila kaya ayaw nya maghawak ng manibela. yun, ako na lang pinipilit nila.. pinag driving lessons nila ako last year.. 10 hrs lang naman yun. ewan ko kung alam ko pa ba.. nakuha ko naman pero andun pa rin yung kaba e, ok lang sa akin dire diretso haha, weakness ko ang U-turn at basta paliko.. dapat daw matuto na ako. hay! napepressure ako..  sana may kumontra na isa para hindi na naman matutuloy ang pagbili, hindi naman namin masyado kelangan e. at saka bihira lang naman sila nandito. ok na kami sa taxi. hehe.

pag nakakakita ako ng lady drivers, hangang hanga ako sa kanila talaga. ang lalakas ng loob. sana ako rin ganun.

[ReservoirDogs]

^^^

Naku, ako rin dati left/right or u-turn mahina ako. Try to practice the turns in your village.  Mas maliit ang kalye sa mga village or residential streets kaya mas masasanay ka nang tamang pag-kabig at pagtantsa ng liko. 

[Mai]

^hihi hirap nga magliko liko especially pag maliit na kalye papasukin like santol st, hindi ko makita yung bangketa kaya i just slow down and wait na clear at walang kasalubong,

[Mai]

Slovy: better convince them to buy a smaller cheaper car, kung hasa ka na, saka na mag buy ng mas expensivema SUV, mahirap kase baka pag nagasgasan magng issue pa. Atsaka, yung hubby mo yung trauma nya, bata pa ba sya at hind pa nagda drive? Or he was driving na nung na bangga sila?

[slovy]

^ ay naku sis, yan nga ang prob kasi they're eyeing montero and fortuner kasi si bil ma'class gusto nya mga luxury talaga. at dapat first owned, ayaw ng 2nd hand kasi baka daw magkakaproblema lang. at saka medyo malaki family nila, kaya ayaw din ng kotse, di daw magkasya, kailangan daw talaga suv.. my other sil at isa pang sil na narito ngayon, medyo naconvince namin ni hubby na yung 2nd hand mitsubishi fuzion na lang, maganda pa naman, mukhang brand new nga e. kasi sinabi din namin sa kanila isa pang fear namin baka ma carnap, QC area pa man din.. dito pinaka mataas na rate ng carnapping at montero/fortuner ang tinitira nila. mitsa pa ng buhay yun. kaya yun sa friday pa namin malalaman ang final decision. as much as possible nga sana wag na lang muna bumili, di pa ako ready. kaya sabi ko nga sana umayaw ulit si bil hahaha para hindi na naman matutuloy.


si hubby naman, yup bata pa sya at di pa nagda drive he was 12 yrs old daw nung nabangga sila. kuya nya nagdadrive. nasa front seat sya katabi nya isa pang kuya nya, hindi sya nakaseatbelt, kuya lang daw nya at hawak lang sya, may kasalubong daw sila nun pagiwang giwang na truck yun ang iniiwasan daw ng kuya nya tas di na makontrol ng kuya nahulog daw sila sa medyo may kalaliman na bangin, bandang tagaytay daw yun. after daw, lumusot daw ulo nya sa windshield. 50/50 daw sya nun. kaya yun lumaki sya hindi talaga sya nagdadrive, ayaw nya. nag-driving lesson din sya kaya lang mahina loob talaga, nanginginig pag hinahawakan nya manibela. lagi din nya sinasabi kung matutoto daw sya, at kahit anong ingat daw ang problema yung makakasalubong at mga makakasabayan nya sa daan lalo daw marami mga kaskaserong drivers daw. kaya yun, ako na lang pinipilit. kasi mas malakas daw loob ko pero hindi rin. yung mga paliko nga. nahihirapan talaga ako. kasi naman dito ang dami sasakyan eh, dikit dikit na nga halos, isa pa din yun sa kinakatakot ko. pero siguro nga nasa practice lang yan.

[Mai]

uh..why not tell them to just get a driver , kesa ikaw ang igroom gawing family driver sis .. pressure naman on your part   no offense meant eh kung sariling anak nila di naman pwede pwersahin , why do they think they can force you ? and since involved Mga sil at bil sa kung any ang bibilhin , is it going to be a family car for everybody ? and you will be the sole family driver ?

[slovy]

^yup sis, nagsabi nga din kami na maghire na lang ng driver pag nandito sila, total bihira lang naman sila nandito, twice a year lang. pero si bil, medyo madalas. they're based abroad na lahat. oo daw naman at saka marunong naman silang lahat mag drive, pwedeng sila na rin magdrive kung narito sila.. kaya lang need ko rin daw matuto para in case of emergency alam ko daw. nahiya naman kaming mag-insist na kahit wala sila dito mag-hire pa kami, baka isipin sobrang swerte naman namin. at kami ni hubby di naman kami mayaman para makapag-maintain ng driver. dati pa nila gusto bumili kaya lang di matuloy tuloy dahil umaayaw nga kami. kaya lang nadala na kasi si sil, hirap daw pag wala sarili sasakyan, dinanas kasi nya nung december na stuck sya sa mall ng 4 hrs sa pila ng taxi. kaya nagdecide silang bumili na talaga, ayaw daw nilang danasin ulit laging pumipila sa taxi. yup sis, family car nila yun pero parang sa amin ni hubby iiwanan at yun nga since hubby ayaw talaga magdrive, ako ang pinipilit magiging family driver.    sabi nila para nga daw pag may emergency nga alam ko. at need ko rin daw gamitin kahit once a week para di daw masira. ka-pressure nga sis.

[freelancer_babe]

Grabe, but I understand the fear of your husband. I guess yun na yung biggest fear nya.

I, myself, has to overcome my greatest fear. Heights. I'd choose to stay away rather than facing it, most of the time. Pero buti nga kahit paunti-unti, I'm getting used na rin sa mga elevators with glasses on a mid-sized building.

And yes, there's a point nga sis, na matuto kang magdrive. Emergency situations. Ako mismo I have to rush my dad sa hospital noong nastroke siya. Being able to drive fast without panicking SAVED HIM.

[Cheesecak3]

I got my brand new car at super kinabahan ako nong kinuha namin sa dealer. Wala akong choice kundi i-drive at dumaan pa kami sa EDSA, super natakot ako pero wala na akong choice. Don lumakas ang loob ko at super thankful ako kay hubby kasi sya talaga nagpalakas ng loob ko.

[twelvth_goddess]

Practice talaga ang key. Before, I was scared with masisikip na kalsada cus mejo mahina pa ko mag-estimate ng space. But after a while I got used to it. Yung dinadaanan ko everyday sa work is a really narrow eskinita na hinde pwede magsalubong ang 2 vehicles. Kahit when I was driving a crosswind dati, kayang-kaya na kase nasanay na din ako.

And yes, knowing how to drive is important especially for emergency situations. Chaka napaka-liberating ng feeling na hinde na naka-depend kay hubby pag may gusto puntahan.

[mae_s]

Hay nako sis twelvth_goddess, alam mo yun din talaga gusto ko. Yung makakaalis na kami ni baby kahit wala si hubby. Sana makaya ko na talaga this year! Yun ang isa sa mga goal ko eh! Hehe!

[twelvth_goddess]

^Go for it Mae_S Pag naka-leave ako sa work and si hubby lang ang may pasok, we sometimes pick him up sa Makati tapos nagmmall na kame after. When I learned to drive din, ang dami ko ng errands na nagagawa on my own and hinde ko na inuutos kay hubby so mejo advantageous din sa kanya yon hehe.

[slovy]

Grabe, but I understand the fear of your husband. I guess yun na yung biggest fear nya.

Yup sis, that's his greatest fear nga daw. actually kapag nasakay kami sa kotse o taxi as much as possible hindi sya umuupo sa front seat. parang tumatatak talaga sa isip nya yun. I understand him din naman. kakatawa pa nga kasi pati sya kina convince na rin ako. baliktad  ? lol

And yes, there's a point nga sis, na matuto kang magdrive. Emergency situations. Ako mismo I have to rush my dad sa hospital noong nastroke siya. Being able to drive fast without panicking SAVED HIM.

tama.. sa totoo lang, napagalitan pa ako sa kakatanggi ko.. kasi daw ang dami ko raw what ifs! sa simula lang naman daw yung takot, kung kaya daw nila, kaya ko rin.

Practice talaga ang key. Before, I was scared with masisikip na kalsada cus mejo mahina pa ko mag-estimate ng space. But after a while I got used to it. Yung dinadaanan ko everyday sa work is a really narrow eskinita na hinde pwede magsalubong ang 2 vehicles. Kahit when I was driving a crosswind dati, kayang-kaya na kase nasanay na din ako.

Practice, practice and more practice nga lang daw ang katapat.. tanong lang sis, (or sa kahit na sinong sis dito) kayo ba during your practice, never namang nabangga? kasi isa din yan sa mga iniisip ko, paano pag naibangga ko? o di kaya nakatama ako ng iba.. lagot na! hahaha. may nagsasabi kasi possible daw. 

[twelvth_goddess]

Slovy, thank goodness naman and never pa ko nabangga/nakabangga or nasagi/nakasagi. PERO 2 beses na ko sumabit sa gate before habang paatras palabas yung car ko. Buti na lang ang gamit ko pang car non is the practice car that hubby bought for me. Eh kase naman I wasnt paying full attention din naman non so natuto na din ako. Mejo mahirap lang mag-park and lumabas sa gate namin kase pang-isang car lang talaga yung garage namin.

Possible talaga yung ganon pero sana lang wag naman yun sa road kase hinde mo din masasabe diba? When I was a newbie, dahan-dahan lang ako magpatakbo, as in 40 kph ganyan, kahit binubusinahan ako ng mga nasa likod, keber ko sa kanila, ehdi mauna sila. Before pati, malaki ako magtancha ng spaces, sa gilid lang ako palage, hinde ako masyado nago-overtake kahit mejo mabagal nasa harap ko, hinde ako basta-basta sisingit (puro give way ako kahit na malayo pa), and iwas ako talaga sa mga feeling ko alanganin kahit pa sa tingin ng ibang driver pwede pa. When I slowly developed my confidence, ayun, dun na ko mas naging pala-singit hehe.

I think it was good din na ang naging first route ko was from our village in marcos highway to aurora cubao. I used to work at an office in araneta center kase and naturally, mga barumb*dong jeeps ang kasabayan ko don. When I moved to my current company, C5 na yung naging route ko.

[slovy]

^wow sis hanga ako sayo. how long you've been driving na ba?

isa pa nga pa lang problema kasi walang pwedeng praktisan. mamahalin ang gustong ipurchase at malaki, hehe. Twing naiisip ko kung paano pag naibangga ko o naisagi ko, wala na, pinanghihinaan na ako ng loob. -salamat nga pala sis sa reply. 

[twelvth_goddess]

^No problem sis More than 1 year pa lang ako nagda-drive but I drive everyday to work kaya no choice ako but masanay sa mga masisikip, mababagal, mga trucks na kasabayan, ganyan.

Yung practice car ko was a nissan sentra super saloon 94 na matic. I'm now driving a mitsubishi lancer glxi na matic din. Mahina ko sa manual kase hinde ako nasanay talaga (even if manual ang inaral ko sa driving school) chaka parang nakakapagod ang manual lalo na pag traffic, ang dami-dami kase ginagawa unlike pag automatic yung car. But they say, and I also think, na it's better pa din na matuto mag-manual driving talaga.

[mae_s]

Sis yung 2 car namin manual. Toyota Corolla and Mitsubishi Lancer. Yung Lancer ang practice car ko kasi yun ang power steering. Yung Corolla ang bigat eh. Ang automatic namin na vehicle is yung Kia Carnival. Ang laki laki naman kaya ayoko din nun! Tingin ko nga kung automatic kahit 1 sa car namin, siguro confident na ko talaga mag drive. Kasi dun ako hirap eh, sa shifting ng gears and timpla ng clutch and gas.

[twelvth_goddess]

^Yan pagtimpla-timpla ang kinaiinisan ko sa manual especially pag traffic. Nakakapagod na you have to worm your way around traffic tapos pati yan iisipin ko pa. Pero siguro kung nasanay lang ako, hinde ko na din problem yan sana. Ang ok lang sa manual mas tipid sa gas.